រឿងពារាណសីសេដ្ធីបុត្រ ( ចាក ខ. ឯ. )


( អានិសង្ឃ​ទានរបស់បុគ្គលមានសទ្ធាមុតមាំ )
កាល ​កន្លង​ទៅហើយ​ ព្រះ​ពោធិសត្វ​ ទ្រង់​សោយ​ព្រះ​ជាតិ​ជា​កូន​សេដ្ធី​នៅ​ក្នុង​នគរ​ពារាណសី​ -លុះ​ឥត​អំពី​បិ​តាធ្វើ​មរណ​កាល​ទៅ ព្រះ​បាទ​ព្រហ្ម​ទត្ត​ បាន​តាំង​ព្រះ​ពោធិ​សត្វ​ជា​សេដ្ធី​ ក្នុង​នគរ​ពារាណ​សី គ្រប់​គ្រង​សម្បត្តិ​ជំនួស​បិតា​ ។​ព្រះ​ពោធិ​សត្វ​ ជាបុគ្គល​មាន​សទ្ធា​ មុត​មាំ​ជឿលើ​កម្ម​ផល​ច្បាស់​លាស់​​ បាន​ចំណាយ​ទ្រព្យ​ធើ្វសាលាទាន​ ៦​ កន្លែង​ ហើយ​តែង​បរិចា្ចគ​ទាន រក្សា​ឧបោសថ​សីល​ជានិច្ច​ ពុំ​ដែល​​ខាន។ វេលា ​ថ្ងៃ​មួយ​ ព្រះ​ពោធិ​សត្វ​ រៀប​បរិភោគ​អាហារ​ពេល​ព្រឹក​ ស្រាប់​តែ​មាន​ព្រះ​បច្ចេក​ពុទ្ធ​មួយព្រះអង្គ ទើប​នឹង​ចាក​ចេញ​និ​រោធ​សមា​បតិ​ ហោះ​មក​ឈរ​ទៀប​ទ្វារ​ផ្ទះ​ ។ព្រះ​ពោធិ​សត្វ​ ក្រ​ឡេក​ទៅឃើញ​ ទើប​ប្រើ​បុរស​ម្នាក់​ឪ្យ​ទៅ​យក​បាត្រ​​ពី​លោក​មក​ដាក់​ចង្ហាន់​ ។​ គ្រា​នោះមារា​ធិរាជ​ មក​និមិត្ម​ធ្វើ​ជា​រណ្ដៅ​រងើប​ភ្លើង​ក្រហម​រន្ទាល​ ច្រាល​ឆ្អៅដូច​ជា​អវិ​ចិមហានរក​ ។ ​បុរស ​ម្នាក់​ទៅយក​បាត្រ​ឃើញ​​ភ្លើង​នោះហើយ​ ភិត​ភ័យ​ណាស់​ ត្រលប់​មក​ជំរាប ព្រះ​ពោធិ​សត្វ​វិញ ​ព្រះ​ពោធិ​សត្វ​ បាន​យល់​ច្បាស់​ថា មារ​នៅស្ថាន​វសវត្តី​ មក​ធ្វើ​ឪ្យ​ អន្តរាយ​ព្រះ​ជន្ម​ព្រះបច្ចេក​ពុទ្ធ​ផង​ ទើប​យក​ភាជន៏​ដាក់​ចង្ហាន់​ពេញ ចេញ​អំពី​ផ្ទះ​ទៅឈរ​ក្បែរ​រណ្ដៅ​ភ្លើង ហើយ​ទូល​ព្រះ​បច្ចេក​ពុទ្ធ​ថា

កាមំ​ បតា​មិ និ​រយំ ​ឧទ្ធិ​បាទោ ​អវំ​សិរោ 
នាន​រិយំ ករិ​ស្សាមិ​ ហន្ទ បិណ្ឌំ បដិគ្គហិ ។

ប្រែ​ជា​សេចក្តី​ថា ​: បពិត្រ​លោក​ម្ចាស់​​ដ៏​ចំរើន​ បើទុ​ក​ណាជា​ ខ្ញុំ​ធ្លាក់​ដាំ​ក្បាល​ចុះ​ក្នុង​រណ្ដៅភ្លើងដូច​ជានរក​នេះ ក៏​​ខ្ញុំ​មិន​ថយ​ក្រោយ​វិញ​ដែល សូម​ព្រះ​ករុណាជាម្ចាស់ទទួល​យក​​នូវ​ចង្ហាន់​​នេះចុះ ​​។

ព្រះ​ពោ​ធិ​សត្វ​​និយាយ​ទូល​ព្រះបច្ចេកពុទ្ធដូច្នោះ​ហើយ ក៏លោត​ចុះ​ទៅ​ក្នុង​រណ្ដៅ​ភ្លើង​ ស្រាប់​តែមាន​ឈូក​ផុះទ្រជើង​យ៉ាង​អស្ចារ្យ ព្រះ​ពោធិ​សត្វ​ បាន​យក​ចង្ហាន់​ទៅ​ដាក់​ក្នុង​បាត្រ​ប្រ​គេន ព្រះ​បច្ចេក​ពុទ្ធ​ដោយ​សួស្តី​ ។ ​ឯ​មារ​ឃើញ​ប្លែក​អស្ចារ្យ​ ដូច្នោះ​ហើយ​​ភ័យ​តក់​ស្លុត​វិនាស​បាត់​អំពី​ទី​នោះ​ទៅ​ ។​

ដកស្រង់ចេញពីសៀវភៅ ប្រជុំជាតក វាយអត្តបទដោយ កញ្ញា ហេង សំដាណែត ។
ដោយ៥០០០ឆ្នាំ

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s